Somos
criminais

Unha función única para ver na casa

Carlos Blanco e Xosé A. Touriñán poñen en marcha unha experiencia única e inédita en Galicia. Somos Criminais, o espectáculo co maior número de entradas vendidas na historia do teatro galego, prepara unha función única a través desta web, o sábado 6 de xuño, ás 22.30 horas.

Gravada días antes, tratarase dunha emisión exclusiva en streaming, con aforo limitado a un máximo de 5000 accesos, cun prezo de 5 euros.

VENDA PECHADA

Temos unha cultura criminal propia? Delinquimos como galegos? Para responder a estas preguntas, Carlos Blanco e Touriñán analizan e dramatizan crimes autóctonos en todas as súas variables, desde o crime por arroutada ata o crime por acumulación de mala hostia, pasando polo crime familiar por causa das herdanzas, o asasinato por suxestión ou as orixes do narcotraficante galego. A conclusión é clara: Somos Criminais.

COMO VER SOMOS CRIMINAIS O 6 DE XUÑO

1

Merca o teu pase en Ataquilla.com, co proceso que xa coñeces de todas as veces que mercaches unha entrada para vir vernos ao teatro. Recibirás por correo electrónico a confirmación da compra.

2

Nun máximo de 24 horas recibirás un correo electrónico coas claves que deberás empregar para acceder á emisión. Será un usuario e un contrasinal co que só poderás acceder desde un dispositivo.

3

O 6 de xuño, ás 22.30 horas, comezará a emisión nesta web. Lembra ser puntual, ou conectarte un pouco antes. Se chegas tarde, collerás a función comezada, como se dun espectáculo no teatro se tratara.
Á web poderás acceder desde calquera dispositivo: móbil, ordenador, tablet, ou calquera dispositivo de SmartTV.

PREGUNTAS E RESPOSTAS

CANDO TERÁ LUGAR A FUNCIÓN?
O sábado 6 de xuño, ás 22.30 h.

PODEREI VELA NOUTRO MOMENTO?
Non o temos previsto. Trátase dunha emisión única e exclusiva, co mesmo formato que o dunha función teatral: só podes vela nunha data e hora concreta.

XA VIN O ESPECTÁCULO NO TEATRO, VEREI O MESMO DE NOVO?
Non. Este espectáculo gravarémolo sen público, e cun formato diferente, a principios de xuño. Aínda que conservaremos o texto do que xa viches, outras tantas cousas estarán pensadas para a ocasión.

É DE BALDE? CANTO CUSTA O ACCESO PARA PODER VELO?
Non é de balde. Non se trata dun espectáculo xa gravado hai tempo, nin algo feito desde a casa. É unha produción asimilable ás que adoitamos facer nos teatros, na que traballan compañeiras e compañeiros técnicos, ademais dos actores. O acceso ten un prezo reducido, de 5 euros.

PODO PASARLLE O MEU ACCESO A UN FAMILIAR PARA QUE POIDA VELO?
Non. Con cada acceso poderás acceder desde un único dispositivo. Se queres velo en máis dispositivos, ou que o vexan outras persoas que non estén contigo, deberás mercar novos accesos.

PRECISO UN ORDENADOR PARA VER A FUNCIÓN?
Non. A función emítese a través dun reproductor en somoscriminais.gal, polo que poderás vela desde calquera dispositivo con acceso a internet, que permita acceder a esta páxina web.

QUE PASA SE TEÑO ALGUNHA DÚBIDA OU ALGÚN PROBLEMA TÉCNICO?
Estaremos moi pendentes para poder axudarche, no teléfono 881 946 972 e no e-mail soporte@somoscriminais.gal

O EQUIPO

ACTORES
Carlos Blanco e Xosé A. Touriñán

DIRECCIÓN
Tito Asorey

REALIZACIÓN
Jairo Iglesias
Lucía C. Pan
Marcos Pereiro

SON E ILUMINACIÓN
Dani Juncal
Breixo Garrido

DRAMATURXIA
José L. Prieto

ESCENOGRAFÍA
Carlos Alonso

VESTIARIO
Fabulare

MAQUILLAXE
Chicha Blanco

PRODUCIÓN
Lois Blanco
Javi Lopa
Paco Abelleira
Álvaro Pérez Becerra
Manuel Martínez

COMUNICACIÓN
Elisa Martínez

WEB
Pilar Mera

STREAMING
CINFO

TEMA ORIXINAL
“Somos Criminais” – Zënzar

UNHA PRODUCIÓN DE

COA COLABORACIÓN DE